Духоўнае самавызначэнне асобы ў сучасным свеце

Abstract

Выданне змяшчае матэрыялы Рэспубліканскай студэнцкай навукова-практычнай канферэнцыі, прысвечанай памяці Я. Янішчыц. Маладыя даследчыкі зрабілі, на наш погляд, удалую спробу далучыцца да загадкавай, узнеслай, вельмі светлай, па-асабліваму датклівай асобы беларускай паэтэсы; раскрыць адметнасць творчай манеры мастачкі слова (раздзел «Абранасць лесу творцы»). Я. Янішчыц – таленавітая прадаўжальніца традыцый нацыянальнай паэзіі, традыцый духоўнасці і лірызму, якія прасочваюцца ў даследаваннях студэнтаў пры аналізе твораў беларускай літаратуры (раздзел «У вянок Я. Янішчыц»). «Зіхоткае святло» Я. Янішчыц (менавіта так называецца трэці раздзел зборніка) гучыць як шчырае слова запавету тым, хто мае духоўную патрэбу ў сустрэчы-дыялогу з сапраўдным мастацтвам. Для прыхільнікаў шчырага, мудрага слова Я. Янішчыц, а таксама для тых, хто цікавіцца пытаннямі культуры, гісторыі, журналістыкі роднага краю.